maí 10, 2003

Gleðilegan kjördag kæru Kjós-endur og les-endur séranns.

::Drullumoksturinn::
I gær settust frambjóðendur flokkanna niður, og var sýnt frá því í sjónvarpinu okkar og líka stöð 2. Sjónvarpað var frá Alþingi úr virðulegu umhverfi. Samt sem áður þurfti skalla-strumpurinn og fyrrverandi kvennalistakonan að byrja á drullumokstri. Þá varð þetta leiðinlegt. Skáldið Davíð byrjaði umræðurnar og kom með skemmtilega sögu svona til að létta andrúmsloftið. Það verður að teljast honum til tekna að reyna allavega að leggja upp með létta stemmingu. Það stóð í 4 mín. og þá var drulluausturinn byrjaður. Jæja, hann allavega reyndi -blessaður gamli maðurinn.

::Af fíflum::
Heimsku belgirnir í SUS og hinum fasistasamtökunum voru svo ánægðir um daginn. Þeir fréttu að fjallað hefði verið um Davíð í vef-útgáfu norður-þýska ritsins Der Spiegel. Þeir voru svo kátir, og létu í veðri vaka að þetta hefði verið vegna þess að Davíð er jú, þaulsetnasti hægri-forsætisráðherra hennar evrópu. Þeir hefðu átt að lesa betur, blessaðir kjánarnir. Greinin heitir: König Dabbis Thron wackelt. Þetta gæti útlaggst sem Ríki Dabba kóngs riðar til falls. Fyrir ykkur, kæru vinir, lesið endilega þetta góða greinarkorn og hlæið með séranum að seinheppni stutbuxnadrengjanna. Þarna er ekkert fjallað um Davíð á jákvæðum nótum heldur frekar gert grín að blessuðum eyjaskeggjanum undir áhrifum vinstri manna. Rætt er um undarleg tengsl ráðherrans við samfélagið, Kára Stefáns og Baugsmenn og lögregluna. dragið upp orðabækurnar eða rifjið upp menntaskólaþýskuna -njótið.

::Tengls samfélagsins og Stefán Jónsson fréttamaður::
Reyndar eru tengsl Davíðs og Kára ekkert undarleg. Þeir voru saman í MR og Kári var kosningastjóri Davíðs fyrir kosningar til Inspectors Scolae. Þegar Kári var spurður löngu síðar hversvega, sagði hann bara hafa haldið að Davíð væri vinstrisinnaðri er raun var. Faðir Kára var nefnilega Stefán Jónsson fréttamaður, vinstrimaður og snillingur með meiru. Margar frægar vísur liggja eftir hann einsog:

Séra Einar giftir og grefur,
glatt er í himna-ranninum,
eru á ferðinni úlfur og refur
í einum og sama manninum.
(Reyndar á hér að vera -séra Bjarni- en sérann freistaðist til að setja sendiherrann í hlutverk hans).

Formið vafðist ekki fyrir Stefáni heldur (líklega er þetta eitt form af braghættinum afhending). Önnur í miklu uppáhaldi hjá séranum:

Ég mætti manni vagninum
með páfagauk á öxlinni
- svo ljótann
gaman væri að fá sér hagabyssu og
- skjóta hann.

::Samfélagið::
Reyndar eru tengsl samfélagsins fyndin. Kjörstjórn MR 1999 samanstóð af séranum, Arnari GettuBeturGimpi, sýslumanninum og Birnu sjálfri Inspector (klonks-klonks), stjórnarkonu í feministafélagi Íslands og stjórnmálafræðinema með meiru. Gaman er frá því að segja einnig að smá misskilningur kom upp í þessum kosningum vegna ritaraembættis skólafélagsins (scribunar) og þar fór fremstur í flokki vandræðaseggja, núverandi formaður laga-væluskjóðanna, og hálfmenntaða pakksins í Súper-versló, HR. Hann eldar einmitt grátt silfur við sýslmanninn.

::Af Þjóðverjum::
Þjóðverjar eru reyndar uppfullir af ranghugmyndum um Ísland. Markaðsetning okkar á þýskan markað hefur alltaf verið: Hestar (isländische Pferde (iceland ponys), hrein náttúra og.... álfar. Í augum flestra þjóðverja er ísland, land álfanna. Enda er fjöldi þýskra stúlkna sem leggja land undir fót og fara hingað norður til að vinna í fjósum og hrútakofum okkar íslendinga með bændum í bláum samfestingum, sem gengur misgott til við mjaltirnar ("fleira þarf að mjólka en beljurnar...vinan")

Svona að lokum segi ég innblásinn af systur minni, fyrrverandi íbúa þjóðverjalands til 12 ára, sem stóð hlæjandi með teppa-bankara í hönd og sagði -nú get ég farið út í garð og barið garðálfa aftur niður í jörðina-

maí 08, 2003

Í dag liggur ágætlega á séranum. Hann er nokkuð á beinu brautinni og situr hest sinn á renniskeiði út dalinn í átt til sólarlagsins. Sérann situr góðhest vinar síns sýslumannsinns, Sörla, sem sýslumaðurinn sjálfur kallar hinsvegar Evu. Sýlumanninum finnst kannski gott að ríða á Evu. En hesturinn heitir Sörli -það er klárt mál.

Sérann hefur síðustu daga staðið í stórræðum á hinum ýmsu sviðum. kastalinn á rauðarárholtinum hefur tekið mikinn toll, og reyndar allan tíma séranns undanfarna vikur. En sérann er nú stundum þannig að þegar vel gengur fyllist hann tilfinningu um að eitthvað vanti. Þetta er náttúrulega áranum bagalegra þegar sérann á í hlut. Sérann vill nefnilega að allt sé sem fullkomnast og þá sérlega það sem hann sjálfur gerir. Þegar það tekst ekki verður sérann pirraður og nagar hempukragann í gremju sinni.

Aðrir hafa bent séranum á að hann sé full kröfuharður í eigin garð og það að fara út af sporinu í einni og einni predikun sé ekkert til að hafa áhyggjur yfir. Biskupinn er jú ekki alltaf í visitasíu. En sérann er ekki alveg sáttur þessa dagana og finnst að eitthvað vanti. Það er svosem alltaf til staðar að eitthvað vanti, en guðsmaðurinn hefur þungar áhyggur, því hann getur ekki bent á hvað það er sem vanti.

Meðan svo er verður sérann að vona að guðs hönd leiði hann áfram um gæfustigu. Tíminn leiðir jú allt í ljós

Biðjið bænirnar ykkar og þakkið fyrir að eiga að éta og drekka, villuræafandi sauðirnir mínir...
...í guðs friði.
kæru lesendur

ég þakka öllum sem tekið hafa þátt í könnun hér neðst á síðunni.

ég hef sett inn nýja könnun sem þið vonandi takið jafn vel og þeirri fyrri

maí 07, 2003

Þættinum hefur borist vísa til athugunar fyrir sendiherrann:

"Ég er í hreppsnefnd-dinni,
ég er í hreppsnefnd-dinni,
ég er eins og jólatré...
ég er í hreppsnefnd-dinni."

Ég er sendi-herra
ég er sendi-herra
ég er eins og brotajárn
ég er sendi-herra

og einnig...

ég bý í Hamra-borginni
ég bý í Hamra-borginni
ég er eins og benzín-stöð
ég bý í Hamra-borginni

og þessi barst að austan...

ég er í stjórmálafræð-inni
ég er í stjórmálafræð-inni
ég er eins og hann-Nes
ég er í stjórmálafræð-inni
::Gestapenninn::

Að þessu sinni er það sýslumaðurinn sem heiðrar sérann með skrifum sínum. bloggsíða sýsla liggur niðri sökum rannsóknar sem stendur yfir. sýslumaðurinn hafði látið ljót orð falla um diplomata. Hagsmunafélag diplomata (DSÍ) hafa rænt sýsla og halda honum föngnum í myrkum hrútakofa uppi á heiði. Einnig hefur sýsli verið kærður af Arnari Þór GettuBeturGimpi, þannig að ekki á af honum að ganga. Er þetta mál allt hið versta og a rætur sínar í mynd er birtist af sýsla hér á mínum síðum.

bréf þetta barst hinsvegar frá Sýsla og verður birt hér um stundarsakir:
"sendiherrann í mósambík er ekki sáttur við áskorun mína um skil á lausafé. sendiherrann virðist reyndar vera alveg band sjóðandi hífandi brjálaður út í heiminn.

ég tel mig hafa með aðferðum sænsku raunhyggjunnar í lögfræði greint þessa heims gremju sendiherrans í nokkra stafliði sem ég mun rekja hér á eftir:
1) hann var ekki skipaður landsstjóri í írak um daginn, þrátt fyrir að hafa sent bush drykkjufélaga sínum ítrekaðar beiðnir þar um.
2) hann er ekki enn þá búinn að lesa þær bækur til enda sem ég bað hann um skil á. hann virðist vera á bls. 45 í heidi, endursagða af j. goebbles. á þeirri blaðsíðu er heidi á fundi hjá tyrólsku stúlknasamtökunum (tyrolisch madchen bund) og hittir verðandi mannsefni sitt fritz unrat sem er meðlimur í dd sveitunum í tyrol. hann er í afar smekklega klæddur í dökkbláum einkennisbúningi og brúnum leður stígvélum. fritz ber einnig afar smekklegt kaskeiti sem stendur á meine ehre heisst treue. þetta er afar hrifnæm lýsing og er því ekki skrýtið þótt sendiherrann felli tár í tómið vegna þess.
3) sendiherrann er afar súr út í orðunefnd hinnar íslensku fálkaorðu, þar sem þeir synjuðu honum með rökstuddri ákvörðun, að veita stór-stór-stór riddara kross-kross með fallbyssu, eikarlaum, korða og demantsstórstjönu. að sögn kvaðst orðunenfndin ekki geta veitt honum slíka orðu sökum að beiðni hans var a) endaþarmsröfl b) slík orða fyrifannst ekki á íslandi og c) hann gæti snúið sér til orðunefndar lapplands því verið gæti að þær hefðu slíkt stig af orðu sem kom fram í beiðni hans, fyrir rétt verð. d) orðunefndin væri ekki sólbaðsstofa þar sem hægt væri að panta hluti, heldur orðunefnd.
4) að svo virðist vera að eitthvað pikkles hafi komið upp varðandi útgáfu á fyrsta bindi sjálfsævisögu sendiherrans ,, sendiherrann segir frá I-kópvogskar nætur og mannlíf við voginn.

harmur er kveðinn að sendiherranum og reikar um bústaðinn. megi sá sem stýrir áttavitum og ræður tíma heimsins og algóður himnasmiður líkna, bæta og hugga sendiherrann sem nú á sárt um að binda".

Sérann þakkar sýsla fyrir innlitið og þakkar honum kærlega fyrir.

Þess má geta að Diplomatafélagið berst fyrir ýmsum hagsmunamálum .t.d. lengri kokteilboð, ódýrari jakkafötum -plastglös verði bönnuð í kokteilboðum - fjölgun sendiráða

Ljótt er að heyra ásakanir sendiherranns í Mosambiká síðu hans í garð Jónasar. Jónas var eins og alþjóð veit, barnakennari sem tók sér frí frá kennslu og fór í hundana -semsé pólitík. Jónas byggði upp blómlega hérðsskóla og kom samgöngum Íslendinga í 20 aldar horf. Jón Þorláksson hinsvegar setti allt landið á hausinn sökum heimsku sinnar að fella gengið sínkt og heilagt. Það voru nokkrir samvinnumenn sem komu hlutunum í lag með því að hugsa skýrt og sjá framtíðarmynd sem þeir vildu stefna að. Á meðan þeir komu hlutunum í lag sat reykjavíkuríhaldið, drakk súkkulað og talaði dönsku, milli þess sem þeir klipu í lendar stofustúlkna. Þannig var þessu háttað góðir hálsar. Samvinnumenn voru þeir sem sáu að eina lýðræðislega leiðin til að vinna fátæka þjóð út úr örbyrgð var samvinnustefnan.

::Ekkert er nýtt af nálinni::

Atvinnurekandi kunningi minn kom að máli við mig um daginn. Sagði hann mér nokkrar sögur af sjálfum sér. Sagði hann mér af því þegar hann fór til Spánar 1972. Þá voru enn gjaldeyrishöft og blómleg sala með gjaldeyri á svörtum markaði. Sökum atvinnu sinnar á þeim tíma hitti hann mikið af útlendingum sem voru staddir hér vegna viðskiptaerinda. Hann keypti af þeim allan sinn auka-gjaldeyri á svörtum markaði. Og hvað gerðu þessir menn? Ojú, ....þeir voru danskir umboðsmenn lyfjafyrirtækja í söluferð til nýlendunnar. Með nóg af reiðu fé til að moka í læknanna. Þar hafið þið það. Svona að lokum finnst mér rétt að benda á að íslendingar borga enn til Dana 2,3 milljarða árlega í formi umboðsgreiðslna fyrir hitt og þetta. Mikið að umboðum fyrir ýmsan varning eru nefnilega enn dönsk og þarf að greiða þeim.
?Yfirvöldin illa dönsk á annarri hverri þúfu...trall la la?
::Voði Verkalýshreyfingarinnar, og annar ósómi::

-Útlitsbreytingar séranns-
Vegna fjölda áskoranna hefur sérann látið verða af því að skerða hár sitt. Er sérann orðinn ákaflega snyrtilegur til fara og hempan tandurhrein ásamt stólunum sem komu úr hreinsun í morgun. Hefur þetta vakið almenna fögnuð meðal landslýðs og sérílagi þeirra sem héldu að sérann væri orðinn ?hippi eða kommatuska?.

-Af þroskaheftum kunningja mínum-
Þroskaheftur kunningi minn kom að máli við mig um daginn og spurði mig um stöðu verkalýðsfélaganna. Ég hváði því ég átti mér einskis ills von og sér í lagi ekki þessu. Ég sagðist ekki hafa hugmynd um það og bað manninn um frest. Þar sem sumir segja að ég hafi ígrundun að leiðarljósi, fannst mér rétt að hugsa málið um stund og reyna síðan að svara þessu þroskahefta kunningja mínum um hnakka.

-Af rökurum og leigbílstjórum-
Eins og áður segir fór ég til rakaranns í dag og ræddi við hann um kosningar meðan hann létt skærin dansa. Finnst mér ekki skrýtið að landinu sé illa stjórnað, ef allir stjórnspekingar landsins keyra leigubíla eða klippa fólk. Beygði talið snögglega að umræðunni um stöðu verkalýðsmál og stöðu þeirra. Hér skal tekið fram, að viðmælandi minn er enginn aukvisi. Hefur hann kennt í iðnskóla í fjölda ára, 30 ára reynslu af skærunum og starfað að kjarabótum af mikilum móð. Situr hann nú á friðarstóli og miðlar af reynslu sinni.
Enginn var þarna annar en við, svo viðmælandinn ræddi frjálslega við sérann sem sat gleraugnalaus og blindur með öllu. Jafnrétti til náms var fyrsta umræðuefnið. Meistaranum fannst að ekki væri nóg að gert, og reyndar að allt væri í rjúkandi rúst sem við vorum sammál um. Iðnemar í hárskurði og hárgreiðslu þurfa að versla námsgögn og verkfæri fyrir um 90 þúsund, borga efnisgjald 20 þúsund og síðan innritunargjöld ofaná þetta. Þessu dágóði skammtur er fyrir MISSERIÐ, ekki skólaárið vel að merkja. þarna komumst við að því að jafnrétti er af skornum skammti.

Umræðan hélt áfram og kom þá upp úr krafsinu, hóflega orðuð athugasemd meistarans, um það hversu hættulegt væri að nemendurnir væru komni með verkfærin í sína eigu, strax á fyrsta misseri. Auðvitað færu þeir að klippa og lita alla fjölskyldumeðlimi og rakararnir missa atvinnu, sú stétt sem nemarnir tilheyra. Þetta sjónarmið verður að teljast róttækt en er samt til staðar.
Meistarinn var orðinn heitur og lét móðann mása svo um munaði. gaman þótti séranum þega hann var upplýstur um að einn kennari við Iðnskólann eigi umboðið fyrir æfingahausana og verkfærin sem seld eru nemunum.... skemmtilegar þessar tilviljanir íslensks samfélags.

-Enn af lyfjaframleiðendum-
Lágvaxinn kunningi minn fór með son sinn á spítala nú um daginn. reyndist kappinn hafa ofþornað eftir 3 sólarhringa pest, með uppsölum og neðörgangi. Fór hann á spítala og var þar í um sex tíma, meðan hjúkrunarfólk sinnti barninu. Velferðakerfið okkar allra borgar svo að innritunargjaldið var 1.800 krónur. Læknirinn rétti síðan föðurnum, þ.e. lágvöxnum kunningja mínum, lyfseðil upp á 15 töflur til að laga sýrustig maga sonarinns. (þ.e. sonur lávaxna kunningja míns). Lyfin kostuðu 6.530 eftir að ríkið hafði "niðurgreitt" um heilar 1.400 krónur. þarna komum við enn að niðurrifi velferðarkerfisins sem er einmitt að ná hámarki þessa dagana. Þessi litli kunningi minn var að vonum ánægður yfir aðstoð allra sem að spítalavistinni komu og öllum þeim fjölda sem aðstoðuðu hann.

Nú er séranum spurn. Hvenær kemur að því að ég fer í apótek og er boðið nokkrar tegundir af lyfjum? Þá dýrustu sem er best og síðan aðrar sem aðeins eru fyrir pöpulinn og fátæka íbúa 3. heimsinns, og því ódýrari. Hvernig geta stuttbuxnadrengirnir útskýrt þetta? Er þetta rétt? Ekki koma nú með gömlu tuggunar um frelsið, Mills, Machiavelli og allt hitt helvítis kjaftæðið. Hvað finnst ykkur ef ég færi handleggsbrotinn á slysadeild og greiddi mitt innritunargjald 2500. Síðan komið þið handleggsbrotnir og væru spurðir um skilríki. Þá segir innritarinn, obb obb obb, þú ert verktaki, stuttbuxnatittur og drullupumpa. Þú hefur ekkert borgað í samneysluna og þarft því að borga... látum okkur sjá... 159. 599 kr. Visa rað? Ekki viljið ið það...neeeii?







sýslumaðurinn hefur orðið illa úti í könnunum sendiherrans. Það er ekki fallegt að ræna menn því sem þeir hafa unnið fyrir á réttilegan hátt. Það að skýla sér bakvið reglugerðir og formfestu er rugl og ljót... skamm skamm. Þessi tiburðir sendiherrans eru ekki lýræðislegir og gefa ekki rétta mynd af frjálshyggjupredikaranum og Euro-sinnanum, sem sendiherran er. Þetta er svo hræææææææðilegt að það jaðrar við stalíníska stjórnartilburði. Sýslumaðurinn má þakka fyrir að vera ekki dæmdur til hringormatínslu á Hólmavík í 25 ár, -góðir landsmenn, hvað kemur næst.
Einar Þorsteinsson, sendiherra Íslands í Mosambik hefur látið í veðri vaka að sérann hafi ekki kynnt sér æfisögu Steingríms Hermannssonar, III. bindi. Þetta er alrangt og finnst mér rétt að upplýsa lesendur að ég á þessa bók. Ekki nóg með það, heldur á ég áritaða eintakið sem Einar hefur milli handa sér. Þessa bók lánaði ég honum þegar hann þurfti að liggja fyrir vegna fótmeins. Einar hefur ekki skilað Séranum bókinni og er hennar sárt saknað af Setrinnu. Einnig væri ágætt að sendiherrann skilaði einnig smábæklingasafni mínu um stefnu framsóknarflokksins og þátt Jónasar frá Hriflu í pólitík 3. og 4. áratugarins sem hann hefur einnig undir höndum. Var þetta lánað í góðri trú og ekki undir þeim formerkjum að sendiherran fjölfaldaði efnið og dreifði til kjósenda í Kópavogi sem kosningaáróðri fyrir framsókn

maí 05, 2003

kæru vinir og lesendur. könnun hefur verið spyrt inn, neðst á síðunu til að skera úr um helstu vandræði séranns -vinsamlegast látið álit ykkar í ljós.

maí 04, 2003

gagnrýni hefur loksins borist á pedikanir séranns. sýslumaðurinn reið á vaðið með leiðindi. hefur hann reyndar ekki úr svo háum söðli að detta. hér er einmitt mynd af sýslumanninum
Fyrir hvern er skólakerfið og "markaðurinn" ?

Sérann lenti í ansi skemmtilegum umræðum nú í morgun. Umræðuefnið var greininga- og sjúkdómavæðing skólakerfisins. Svona til að setja lesendur inn í málið virðist vera sem svo að börn í skólakerfinu okkar þurfi að vera sett í skúffur og gerð að litlum kössum á lækjarbakka til að hægt sé að gera eitthvað fyrir þau. Ofvirk börn með athyglisbrest (AMO) er eitt dæmið. 3-5% grunnskólanema eru GREIND með slíkan kvilla sem er slæmur fyrir þau sjálf af ýmsum orsökum. Reynast þau óþægur ljár í þúfu félagslega, menntunarlega og í mannlegum samskiptum, og bitnar mest á þeim. Líka er erfitt fyrir kennara að hafa yfirumsjón með heilum bekk þar sem AMO tilfellið tekur mestan tíma og þarf mesta athygli, oft á kostnað hinna nemendanna. Þá var farið að gefa ritalin, sem er örvandi lyf af sama stofni og amfetamin (femmi, spítt eða kúlur, fyrir ykkur haugana). Lyfin, með réttri meðferð virðist hafa nokkuð góð áhrif á hegðun og nýtist til að halda niðri einkennum. En þá komum við að kjarna málsins. Margir fóru að gefa ritalin, telja sumir, hægri og vinstri undir þeim formerkum að allt og allir væru orðnir ofvirkir. En sá grunur læðist óneitanlega að mörgum að þetta hafi verið notað sem agastjórnunartæki, frekar en úrræði handa barni sem líður illa.

Sérann er í spillingar- og heimsósómakasti í dag og bera skrif hans því nokkur merki. Þá komum við að spurningunum:
1. Hvers hagur er af því að gefa ritalin? Er hagurinn barnanna eða skólakerfisins?
2. Hvort kom aftur á undan, skólinn eða nemendurnir?
3. Hvers vegna er öllum það kappsmál að skólakerfið, 2 til 16 ára sé gott, jafnvel "það besta í heimi".

Fyrst getum við sagt: Ástæða þess að halda úti dýru kerfi er til þess að börnin verði góðir og hæfir einstaklingar og þarmeð þjóðfélagið allt. Göngum út frá því að svo sé -um stund.
Önnur úrræði eru til fyrir AMO tilfelli,en þau eru dýrari en lyfin. Til dæmis er um að ræða aðra manneskju sem er með barnið í "maður á mann" umsjón. Það er dýrara en að gefa lyf, getur maður sagt, og það gera sig margir seka um að segja. Þá eru enn á ný gömlu markaðs/rekstar lögmálin sem skjóta upp kollinum. Þetta frjálshyggju skrímsli sem sést stundum skríða fnæsandi um götur borgarinnar, pirrað yfir öllum ósómanum og eyðslunni í velferðarkerfi. Sérann telur að ef menn ætli í baráttu við skrímsli eins og þessi þurfi maður að tala sama tungumál og skrímslið. Sérann bendir á, að ritalinbörnin eru líklega í stærri áhættuhóp að gerast fíkniefnaneytendur (skv. rannsóknum) og þarmeð í stærri áhættuhóp að verða á framfæri hins opinbera stóran hluta ævinnar. Þar með verður einstaklingurinn ófær um að vinna, greiða skatttekjur inn í samneysluna. Kostnaðurinn við smá aðstoð á skólagöngunni snýr upp í stórtap síðarmeir - aurinn sparaður og krónan töpuð. Hafðu þetta Pétur Blöndal!

Síðan komum við að því. Hverjir greina? Það eru sálfræðingar og sérfræðingar af ýmsum toga. Þeir eru ekki ókeypis og þarf einhver að greiða þeim. Þeir ávísa lyfjunum sem lyfjafyrirtækin selja. Á allra vitorði eru tengsl lækna og lyfjafyrirtækja sem læknaráð Íslands þurfti meira að segja að álykta hér um árið. Ef við ætlum að fara ennþá lengra með spillingarkenningar, þá má benda á að stærstur hluti ólöglegra fíkniefna á Íslenskum markaði er "læknadóp" (nú er sérann orðinn fullheitur).

Það er þekkt stærð að íslenska ríkið láti einkaaðila fá bita af kökunni. Sjáum bankana til dæmis. Allir námsmenn fá námslán greidd eftirá og eru á yfirdráttarlánum þar til tékkinn frá LÍN kemur. Bankarnir hirða vexti semsagt af öllum námsmönnum á meðan. Þetta er ekkert nýtt, svokallaður Finace-Capitalism sem gengur út á það að launþegi borgi ávallt rentur af allri sinni veltu til fyrirtækja. Svona að lokum vill sérann spyrja ykkur sem hyggið á heimsyfirráð á erlendum mörkuðum: Hvað ætlið þið að gera við ágóðann? Ætlið þið að safna honum saman og horfa á hann? Eða ætlið þið að koma honum út í atvinnulífið og hagnast? þá fáið þið ágóða, og hvað svo...meiri ágóða...sérann er kannski svolítið takmarkaður en hann veit ekki hver græðir á endanum eða hvað á að gera við allan ágóðann. Lifið heil og guð blessi ykkur til handa og fóta
"Líkamsþróttur er eftirsóttur"

Sérann þurfti að líta út fyrir dyr prestsetursins í gær, rétt aðeins að líta á sóknarbörnin, svona til að kanna ástand kristidóms sóknarinnar. Áföllin létu ekki á sér standa. Kunningi minn, handbendi framkvæmdavalds og "fanta-sía" (semasagt lögga) kom og sótti sérann og litum við á ástand miðbæjarsóknarinnar okkur til ánægju og yndisauka.

Fyrst litum við á hverfisbarinn eins og lög gera ráð fyrir. Það er ekki ofsögum sagt að þar var saman komið allt það fólk sem ekki á vera saman fleiri en 2 á sama blettinum, og síst á hverfis. Þarna var verið að halda íþróttamót. bicep curling var okkur sagt. þetta er víst keppni í einhverju svona lyftingadóti. Semsagt þarna var komið til að messa á sama blettinum dobía að lyftingalúðum og kraftlyftinga sterapakki -með fylgikonum notabene. ég hef komið inn á hverfis einu sinni eða tvisvar í gegnum tíðina og kann vel við mig. þarna eru alltaf einhverjur sem maður þekkir úr hinum ýmsu háskólastofnunum og miklar umræður og skoðanaskipti. nema þarna. þarna var kjarninn af lyfingafíflum landsins saman komnir og búnir að raða í kringum sig fæðubótarkrukkum, líklega vörukynning, og allir að ræða um vöðvavefi á sjálfum sér og öðrum, þuklandi, þreifandi, stynjandi og rymjandi. Okkur varð svo algert orðfall að við gengum út í losti (og reyndar alveg lost líka).

Ég verð að koma á framfæri tilmælum til Rósa og hinna eigandanna að þetta er ekki það sem kúnninn vill sjá. Þá fer fólk bara eitthvað annað og reynir að koma á fót sömu stemmingu annarsstaðar. Hverfis á ekki að vera eins og Amsterdam á slæmu kvöldi. cross-promotion hefur aldrei gengið og svona uppákomur fæla einungis frá fastakúnna. Þetta vonum við að gerist aldrei aftur, það að öðru heimili manns sé stolið og undirlagt af kjötfjöllum -ásamt fylgikonum. ímyndið ykkur að rölta út í sjoppu að kaupa kæfu eða tannkrem, koma heim, opna útidyrahurðina, skella í lás og heyra innan úr stofu: "koma, koma, eina enn, þú ert bestur, þú getur þetta....". Síðan er manni litið inn í stofu þar sem búið er að ryðja til öllum húsgögnum, billy bókahillurnar liggja á hlið, rýateppið upprúllað úti í horni og hellingur að tattúveruðum mönnum að garga hver á annan með stjarfan heimskuglampa í augum og gæfuleysið í trogum. Þetta er ekki falleg mynd, en svona leið okkur í gær.

Bærinn var einnig kjaftfullur af frambjóðendum í vígahug, sumir málefnalegir en flestir á perunni séranum til einskærra leiðenda. þetta voru eins og umræður á síðasta degi landsþings ofsapredikara. Sólon var yfirfullur af þessu dóti, bara til leiðinda fyrir sérann sem var einungis að athuga ástand sóknarbarna, ekki að plata einhvern út í umræður um kvótann og kúgildi. reyndar mætti sérann Spekingnum frá Sæbóli þar sem hann gekk um við annan mann leitandi að selskap sér við hæfi. Spekingurinn var frekar fámáll en þó í góðu glensi. Sérann var þegar þarna var komið orðinn nokkuð þreyttur og rass-sár eftir yfirreiðina um sóknina. taldi Sérann að best væri að halda heim á Setrið og kasta sér fyrir messudag.